ಹಾರಿ ಹೋದ ಚಿಟ್ಟೆಯೇ ನಿನ್ನ ಮನದಲಿ ಏನಿತ್ತೆ.....?

ನಿನ್ನಿಂದ ದೂರ ಆಗೋ ದಿನ ಬಂದ್ರೆ ಸತ್ತೆ ಹೋಗ್ತಿನಿ. ನಿನ್ನ ಬಿಟ್ಟು ಬದುಕಿದ್ರೆ ಅದು ಬದುಕಲ್ಲ, ಬದುಕಿದ್ದು ಶವ ಆಗ್ಬಿಡ್ತಿನಿ. ನೀನು ನನ್ನ ಪ್ರಾಣ, ನನ್ ಉಸಿರು, ನನ್ ಮಿಡಿತ ಹೃದಯ ಬಡಿತ ಕೂಡ. ನೀನ್ ನಕ್ರೆ ನಾನ್ ನಗ್ತಿನಿ, ನೀನ್ ಅತ್ರೆ ನಾನೂ ಅಳ್ತಿನಿ. ನೀನು ನನ್ನ ಪಾಲಿನ ಸ್ವರ್ಗ. ಈ ಪ್ರಪಂಚದ ಯಾವುದೇ ಕಾಡಿನ ಯಾವುದೇ ಮೂಲೆಯಲ್ಲಾದ್ರೂ ಸಂತೋಷದಿಂದ ಇರ್ತೀನಿ ಆದ್ರೆ ನನ್ಜೊತೆ ನೀನಿರ್ಬೇಕು. ಎಂಥ ಮೋಡಿ ಮಾಡ್ಬಿಟ್ಟೆ ನೀನು.. ಪ್ರತಿ ಪ್ರೇಮ ಗೀತೆಯಲ್ಲೂ ನೀನೆ, ಭಾವಗೀತೆಗೆ ಭಾವ ನೀನೆ... ಅಬ್ಬಾ ಇನ್ನು ಏನು ಹೇಳಲ್ಲ ಸಾಕು ಸಾವಿರ ಜನ್ಮಕ್ಕೂ ನಿನ್ನ ಪ್ರೀತಿಯೇ  ಸರಕು ನಂಗೆ.

ಅಯ್ಯೋ ದಶರಥ ಏನಾಯ್ತೋ ನಿಂಗೆ ? ಬೆಳಿಗ್ಗೆ ತಾನೆ ಚೆನ್ನಾಗಿದ್ದೆ, ಯಾಕ್ಹೀಗೆ ಏನೆನೋ ಬರಿತಿದಿಯಾ? ನಿನಗೂ ಲವ್ವು ಗಿವ್ವು ಶುರುವಾಯ್ತಾ ಹೆಂಗೆ? ಅನ್ನೊ ಪ್ರಶ್ನೆ ಬಂದಿರ್ಬೇಕಲ್ಲಾ. Yes ಪ್ರೀತಿ ಬಂದಿರೊದು ನಿಜ But ಪ್ರೀತಿ ಬಂದಿರೋದು ಪ್ರೀತಿ ಬಗ್ಗೆ ಬರಿಯೋಕೆ. ಅದು ಅಲ್ದೆ ನನ್ನ ಸ್ನೇಹಿತೆಗೆ ಮಾತು ಕೂಡ ಕೊಟ್ಟಿದ್ದೆ ಪ್ರೀತಿ ಬಗ್ಗೆ ಬರಿತೀನಿ ಅಂತ. ಬರೆಯೋದಂತು ಬರ್ದಿದಿನಿ ಇನ್ನು ಓದೋದು ನಿಮ್ಮ ಕರ್ಮ.
All right...!!!
ಪ್ರೀತಿ ನಿಜವಾಗಿಯೂ ಒಂದು ಸುಂದರ ಅನುಭವ, ಎರಡು ಮನಸುಗಳನ್ನು ಬೆಸೆಯುವ ಧೀಶಕ್ತಿ. ಜಾತಿ, ಮತ, ಮೇಲು-ಕೀಳು, ಬಣ್ಣ ಯಾವುದು ಇದಕ್ಕೆ ಬೇಕಿಲ್ಲ. ಪರಸ್ಪರ ಪ್ರೀತಿಸುವ ಎರಡು ಕಲ್ಮಶ ಹೃದಯಗಳಿದ್ದರೆ ಸಾಕು. ಮೇಲಿನ ಸಂಭಾಷಣೆ ಕೇಳಿದ್ರೆ ಯಾವ ಋಷಿ ಮುನಿ ಕೂಡ ಪ್ರೀತಿಗೆ ಸೋಲದೆ ವಿಧಿಯಿಲ್ಲ. ಹೀಗೆ ಸೋತು ಪ್ರೇಮಲೋಕದಲ್ಲಿ ವಿಹರಿಸೋ ಅದೆಷ್ಟೊ ಮನಸುಗಳು ನಮ್ಮ ಮುಂದಿವೆ. ಪರಸ್ಪರ ಪ್ರೀತಿಸ್ತಾ, ಜೊತೆಯಲೇ ಬಾಳೊ ಕನಸು ಕಾಣ್ತಾ ಇದ್ದಾರೆ. ಆಣೆ-ಭಾಷೆಗಳಂತೂ ಸಾವಿರಾರು.

ಪ್ರೀತಿಗೆ ಪ್ರತಿಯಾಗಿ ಕೊಡಬಹುದ್ದಾಗಿದ್ದರೆ ಅದು ಪ್ರೀತಿ ಮಾತ್ರ. ಅದಕ್ಕೆ "ಒಲವಿನ ಪೂಜೆಗೆ  ಒಲವೇ ಮಂದಾರ" ಅನ್ನೊದು ಅರ್ಥಪೂರ್ಣ ಅನ್ನಿಸುತ್ತೆ. ಯಾವುದು ಹೆಚ್ಚು ಖುಷಿ ಕೊಡುತ್ತೋ ಅದೇ ಹೆಚ್ಚು ನೊವನ್ನು ಕೊಡುತ್ತೆ ಅನ್ನೋದಕ್ಕೆ ಈ ಪ್ರೀತಿಯೂ ಹೊರತಾಗಿಲ್ಲ. Love is slow poison ನಿಜ ಆದ್ರೆ ಎಲ್ಲವೂ ನಮ್ಮ ಮನಸ್ಥಿತಿಯ ಮೇಲೆ ನಿರ್ಧರಿತವಾಗುತ್ತೆ. ಯಾವುದೋ ಕಾರಣ, ಮತ್ಯಾರದ್ದೋ ಹಿತಕ್ಕೋಸ್ಕರ ಪ್ರೇಮಿಗಳು ದೂರಾಗಬಹುದು. ದೂರವಾಗಿದ್ದಾರೆ ಕೂಡ. ಕೆಲವರು ಹತಾಶರಾಗಿ ನಂತರ ಅದ್ರ ಹಿಂದಿರುವ ಸದುದ್ದೇಶವನ್ನು  ಅರಿತು ಚೇತರಿಸಿಕೊಂಡಿದ್ದಾರೆ. ಇನ್ನು ಕೆಲವರು ತೀವ್ರ ಹತಾಶೆಯಿಂದ ಪ್ರಾಣ ಕಳೆದುಕೊಂಡದ್ದಾರೆ. ಕೆಲವರಂತೂ ಜೀವಂತ ಶವವಾಗಿದ್ದಾರೆ.

ಪ್ರತಿಯೊಂದು ಮಾನವ ಸಂಬಂಧಗಳಿಗೆ ನಂಬಿಕೆಯೇ ಆಧಾರ. ಪ್ರೀತಿಯು ನಿಂತಿರುವುದು ನಂಬಿಕೆಯ ಮೇಲೆಯೇ. ನಿಜವಾಗಿ ಪ್ರೀತಿಸಿದ್ದೇ ಆದ್ರೆ ಅವನನ್ನ ನಂಬಿರಲೇಬೇಕು. ನಂಬಿದ್ದೆ ನಿಜ ಆದ್ರೆ ಅವನು ದೂರಾಗುವ ಕಾರಣವನ್ನು ನಂಬಲೇಬೇಕು. ಕಾರಣವಿರದೆ ಯಾವುದೇ ಮಾನವ ಸಂಬಂಧಗಳಿಗೆ ಅಂತ್ಯ ಇಲ್ಲ. ಇದಕ್ಕೆ ನನ್ನ ಟೈಟಲ್ ಸೂಕ್ತ ಉತ್ತರ ಹುಡುಕುತ್ತೆ. ಹಾರಿ ಹೋಗುವ ಚಿಟ್ಟೆಯೇ ನಿನ್ನ ಮನದಲಿ ಏನಿತ್ತೇ..? ಹಾರಿ ಹೋಗುವ ಚಿಟ್ಟೆಯನ್ನು ದೂಷಿಸುವವರೇ ಎಲ್ಲ, ಆದ್ರೆ ಆ ಚಿಟ್ಟೆಗೂ ಒಂದು ಪುಟ್ಟ ಹೃದಯ ಇರುತ್ತೆ, ಅದಕ್ಕೂ ಭಾವನೆಗಳಿರುತ್ತೆ, ಬೆಟ್ಟದಷ್ಟು ಪ್ರೀತಿ ಇರುತ್ತೆ. ಪ್ರೀತಿಯನ್ನು ಮರೆಯುವಾಗ ನೋವು ಕೂಡ ಕಾಡುತ್ತೆ. ಚಿಟ್ಟೆ ಬಹಿರಂಗದ ಬಣ್ಣ ಮಾತ್ರ ತೋರಿಸುತ್ತೆ ಅಂತರಂಗವನ್ನು ನಾವೇ ಅರಿಯಬೇಕು. ಚಿಟ್ಟೆಯ ಮನದಲ್ಲಿರುವುದನ್ನು ಒಪ್ಪಿಕೊಂಡು ನೀವು ಒಂದು ಸ್ವತಂತ್ರ ಚಿಟ್ಟೆಯಾಗಿ ವಿಶಾಲವಾದ ಮುಗಿಲೆತ್ತರಕ್ಕೆ ಹಾರಿ. ಚಿಟ್ಟೆ ಬಣ್ಣದಿಂದಲೇ ಎಲ್ಲವನ್ನು ಮರೆಯುವ ಹಾಗೆ ನೀವು ನಿಮ್ಮ ನಗುವಿನಿಂದಲೇ ಎಲ್ಲವನ್ನು ಮರೆಯಬೇಕು.


         ನೊಂದ ಹೃದಯಗಳಿಗೆ ನನದೊಂದು ನಿವೇದನೆ
               ನಗ್ತಾ ಇರಿ.. ನಿಮ್ಮ ನಗುವನ್ನು ನೋಡಿ ನೋವೇ ನಾಚಬೇಕು.
                              Keep smiling
                             ಇಂತಿ ನಿಮ್ಮವನು...
                              ದಶರಥ್.ಬಿ.ಎಲ್